Sighvatur Karlsson

Færsluflokkur: Íþróttir

Stöðuyfirburðir

Ég var rétt í þessu að vinna skák á gameknot. Svartur má sín lítils gegn stöðuyfirburðum hvíts. Svartur reyndi að þrauka en allt kom fyrir ekki.

Þessari skák tapaði ég. Ég taldi mig sjá sóknarfæri með drottningunni minni en fann mig í nauðvörn andartaki síðar þar sem allt var í uppnámi. Hvítur tefldi vel finnst mér og sá við sóknartilburðum svarts.

Skákin sú við félaga Sigurð

Ein eftirminnilegasta skákin mín í netheimum er við félaga Sigurð sem tapar fáum skákum á þessum vettvangi. Mér tókst af einskærri rælni að vinna hann með nokkrum riddaraleikjum í lokin eftir að hafa króað drottninguna hans af um tíma.

Skák við félaga Rúnar

Rúnar Ísleifsson gefst aldrei upp í skák. Það hafa þeir reynt sem hafa teflt við hann. Ég hafði hann loks undir á netskákmóti sem skákfélagið Goðinn stóð fyrir. Hann hefur ekki gefið mér færi á sér síðan.

Blindur leiðir blindan

Hér sá ég ekki þegar hvíta drottningin var í uppnámi eftir 15 leik hvíts. Ég er með svart og tókst þrátt fyrir það að innbyrða vinning, reyndar með því að nudda augun.

Höfundur

Sighvatur Karlsson

Höfundur er sóknarprestur á Húsavík og stjórnarmaður í Skákfélaginu Goðinn - Mátar. Skákæfingar á Húsavík eru á mánudagskvöldum kl. 20.30. Nýir félagar velkomnir, ungir sem aldnir.