Keppnisskap í deildakeppninni í Rimaskóla

Eitt af því sem gefur lífinu gildi er að taka þátt í deildakeppninni í Skák, íslandsmóti skákfélaga. Það er magnað að taka sér sæti í salnum í Rimaskóla ásamt 500 öðrum keppendum, félögum sínum í Goðanum og öðrum. Eitt af því sem ég tek alltaf með mér er Goðatreyjan mín og hatturinn minn. Ég kemst í keppnisskap þegar ég hef klætt mig í téða treyju og sett hattinn á höfuð mitt. Það sakar ekki að geta sett barðið örlítið niður til þess að andstæðingurinn geti ekki horft í augun á mér. Þetta er hluti af sálfræðihernaðinum. Áfram Goðinn