Sighvatur Karlsson

Skáksíða yfir byrjanir

Ég rakst á góða síðu yfir byrjanir. Slóðin er www.chessopenings.com

Svartur gaf peð fyrir sóknarfæri biskupanna

Ég sá mögulegt sóknarfæri með svart undir lok skákarinnar að gefa peð fyrir sóknarfæri biskupanna beggja og drottningarinnar. Það gekk upp að þessu sinni.

Með Pálmann í höndunum í ellefta leik

Á Pálmasunnudag vann ég þessa skák í 12 leikjum. Mér fannst ég tefla þessa skák nokkuð vel því að andstæðingurinn tefldi ekki nógu nákvæmlega. Því skildi milli feigs og ófeigs.

Fékk frípeð og þá var ekki sökum að spyrja

Á föstunni skal gefa bandingjum lausn og náða þá hversu lítil peð sem þeir eru. Ég fékk frípeð og tókst að sigra andstæðinginn í langri skák sem ég tefldi ágætlega finnst mér.

Ég ákvað að taka þátt í hraðhlaupi upp stiga á Gameknot, ( fast ladder) Það er að vísu ekki meira hraðhlaup en svo að nægur tími gefst til umhugsunar. Andstæðingurinn minn virðist samt ekki hafa gefið sér tíma til að íhuga stöðuna, svo mikið lá honum á að komast upp stigann.

Hróksfórnin

Ég ákvað að fórna hrók fyrir betra tafl í 22.leik, ég vonaði að andstæðingurinn myndi gleyma sér augnablik sem hann gerði. Andstæðingurinn tefldi ónákvæma byrjun. Ég beið því að það er gott að komast á bak við peðin.

Braust í gegnum brimvörn svarts og hafði sigur

Mér leist ekki á blíkuna þegar svartur hóf peðasókn á báðum vængjum. Ég ákvað að setja allt í lás þegar ég sá að lína opnaðist og ég var einum leik á undan. Mér fannst þetta lærdómsrík skák. Það er oftast hættulegt að fara fram með öll peðin því að þá getur andstæðingurinn laumað sér á bak við þau og sett allt í uppnám.