Sighvatur Karlsson

Útifjöltefli á Mærudögum

Norðurlandsmeistari 2010 í skák, Áskell Örn Kárason teflir við hvern sem er á föstudaginn kemur, 24. júlí á Húsavík. Útifjölteflið hefst kl. 15. Það verður haldið á palli á tröppum sem liggja niður á bakkann fyrir framan kirkjuna. Gaman væri ef hverfin þrjú í bænum sendu tveggja manna lið til keppni í viðeigandi litum. Ég skal borða ,,hattinn" minn ef það tekst.

Krókur hvíts á móti bragði svarts

Ég ákvað að taka þátt í skák keppni sem ,,tarjos" stendur fyrir á gameknot. Hann var með svart á móti mér og ætlaði sér að fella mig strax með hælkrók en féll þegar á eigin bragði með braki og brestum. Það borgar sig stundum að fara sér hægt á gameknot og fá sér te frekar en bjór þegar þar er teflt.

Riddari sterkari en biskup á endaspretti

Mér tókst rétt í þessu að máta andstæðing minn með riddara í skemmtilegu endatafli á gameknot síðunni. Ég taldi stöðu hans betri í endatafli með biskup á móti riddara mínum en riddarinn minn steig darraðadans í lokin sem skilaði árangri að þessu sinni.

Gaffallinn afdrifaríki

Þegar leið á þessa skák sá ég möguleika á því að skáka kóng andstæðingsins með riddaranum og taka um leið drottningu hans. Það tókst vegna þess að ég setti pressu á riddara hans og hvítur lék af sér með því að færa riddara sinn til baka.

Peðaslagur á kóngsvæng

Mér finnst þetta skemmtileg skák fyrir það að hvítum tekst að verjast peðaframrás svarts á kóngsvæng og blása til sóknar á sama væng með sínum peðum og hafa betur.

Vel teflt með svörtu

Þessi skák er með betri skákum sem ég hef teflt með svörtu á gameknot, sérstaklega í endataflinu. Andstæðingurinn mun sterkari en ég miðað við stigagjöf en ég sá vinningsleið þegar leið á taflið. Skemmtileg skák fyrir mína parta sem sjaldan fer á partasölur

Eitruð peð

Það er yfirleitt snúið að leika með svörtum en ég ákvað að láta vaða og fórna biskupi fyrir peð og skákaði um leið drottningu hvíts. Eftir það var eftirleikurinn auðveldur að þessu sinni.

Af jörðu ertu kominn...

Félagi Hermann Aðalsteinsson er bóndi í Reykjadal. Hann yrkir jörðina sína vel og er góður við fólk og málleysingja. Ég sit með honum í stjórn skákfélagsins Goðans sem hann fer fyrir af röggsemi eins og allir vita í skákheiminum hér á landi. Honum er í lófa lagið að sjá um að koma mér reglulega niður á jörðina þegar skákin er annars vegar, að grasrótinni. Ég hef hins vegar fullt umboð til að koma fólki ofan í jörðina sem hann hefur ekki. Hér birti ég skák sem ég tefldi nýlega við hann á Skákþingi Goðans 2010. Hann gaf mér engin grið frekar en venjulega, enda engin ástæða til því að maður lærir ekki síst af tapskákunum.

Veljið skák (19 alls):

Skákin sú við félaga Sigurð

Ein eftirminnilegasta skákin mín í netheimum er við félaga Sigurð sem tapar fáum skákum á þessum vettvangi. Mér tókst af einskærri rælni að vinna hann með nokkrum riddaraleikjum í lokin eftir að hafa króað drottninguna hans af um tíma.

Skák við félaga Rúnar

Rúnar Ísleifsson gefst aldrei upp í skák. Það hafa þeir reynt sem hafa teflt við hann. Ég hafði hann loks undir á netskákmóti sem skákfélagið Goðinn stóð fyrir. Hann hefur ekki gefið mér færi á sér síðan.

« Fyrri síða | Næsta síða »

Höfundur

Sighvatur Karlsson

Höfundur er sóknarprestur á Húsavík og stjórnarmaður í Skákfélaginu Goðinn - Mátar. Skákæfingar á Húsavík eru á mánudagskvöldum kl. 20.30. Nýir félagar velkomnir, ungir sem aldnir.