Sighvatur Karlsson

Færsluflokkur: Spil og leikir

Flétta hvíts

Þegar kom fram í miðja skák sá hvítur sér leik á borði og flétta varð til sem svartur var ekki tilbúinn að kaupa en svo gleymdi hann stund og stað og kóngur svarts var mát.

Endataflið mikilvægt

Hér tefldi ég með svörtu á móti hlussa á netmóti Goðans og tókst að vinna í endataflinu

Hvítur vinnur hægt og hljótt

Ekki veit ég hvernig hvítur vinnur hægt og hljótt þessa skák en mér finnst byrjunin skemmtileg hjá hvítum sem sér sóknarfæri fljótlega á netmóti Goðans.

Nú var það svart maður

Þessa skák tefldi ég í netskákmóti Goðans. Mér leist ekki á blikuna þegar ég lék af mér drottninguna fyrir hrók en vann samt.

Þar kom að því

Ég hef tapað mörgum skákum að undanförnu eins og gengur en ég vann loks þessa skák sem ég tefldi ekkert sérstaklega vel né heldur andstæðingur minn.

Að skáka til vinnings

Ég er að tefla í litlu móti á gameknot og var rétt í þessu að vinna efsta manninn með svörtu. Mér tókst að vinna nokkra leiki með því að skáka og koma drottningu minni í góða stöðu.

Að undanförnu hef ég tapað nokkrum skákum í röð á gameknot ekki síst fyrir það að gefa mér ekki nægan tíma til að meta stöðuna hverju sinni. Andstæðingurinn refsar skjótt þegar svo er. Hér kemur ein slík sem ég tapaði.

Úr sókn í skyndilega nauðvörn

Þessari skák tapaði ég. Ég taldi mig sjá sóknarfæri með drottningunni minni en fann mig í nauðvörn andartaki síðar þar sem allt var í uppnámi. Hvítur tefldi vel finnst mér og sá við sóknartilburðum svarts.

Riddaraleikir

Ég tefldi þessa skák nýverið á gameknot. Riddarar hvíts léku listir sínar á ógnvekjandi hátt svo svartur uggði ekki að sér fyrr en of seint. Ef svartur drepur riddarann í lokin þá getur hvítur skákað af honum drottninguna. Svartur gafst upp

Útifjöltefli á Mærudögum

Norðurlandsmeistari 2010 í skák, Áskell Örn Kárason teflir við hvern sem er á föstudaginn kemur, 24. júlí á Húsavík. Útifjölteflið hefst kl. 15. Það verður haldið á palli á tröppum sem liggja niður á bakkann fyrir framan kirkjuna. Gaman væri ef hverfin þrjú í bænum sendu tveggja manna lið til keppni í viðeigandi litum. Ég skal borða ,,hattinn" minn ef það tekst.

« Fyrri síða | Næsta síða »

Höfundur

Sighvatur Karlsson

Höfundur er sóknarprestur á Húsavík og stjórnarmaður í Skákfélaginu Goðinn - Mátar. Skákæfingar á Húsavík eru á mánudagskvöldum kl. 20.30. Nýir félagar velkomnir, ungir sem aldnir.